أحسن طريقة لتخلص من الملل أثناء الدراسة لحفظ الدروس

أحسن إستراتيجية لدراسة والتخلص من الملل أتناء الدراسة

مرحبا بناس لي بغا تنجح وتزيد طور من رسها في موقع مول التلاخيص لي مختص في نشر تلاخيص بالدارجة المغربية لجميع المستويات من الإعدادي حتى الجامعة وأيضا تلاخيص لمواد التكوين المهني بجميع شعبه.

أكيد غتكون طرات ليك كتكون شاد الكتاب باش تبدا الحفاضة شويا كيبدا عقلك يقولك اجي ضرب طليلة فالفيسبوك ولا أجي شوف هاد الفيديو راه زوين ولا عفتي شنو أجي نعس ساعة باش نوض اليز ويكون عقلي مرتاح و نحفض مزيان و فاللخر مكتحفظ تا لعبة و العكس منين كتكون كتفرج فشي فيلم ولا كتلعب شي لعبة ولا كاتشاتي مكيطراش ليك هاكدا و كتكون مكونصونطري اذن علاش كيوقع لأي واحد فينا هدا المشكل، شنهيا أفضل طريقة باش نتخلص من هدا المشكل وأحسن إستراتيجية باش نحفض أي درس بسهولة ، هدشي لغدي نتعرف عليه في هدا الموضوع لي كنصحك بجهد تقرا حيت أول خطوة باش تعلج هدا المشكل هي أنك تبت ليا فعلا بلي راك بغي تهنا من هدا المشكل بأنك تخد غير جوج دقايق من وقتك وتقرا هدا الموضوع حتال أخير كلمة فيه في المقابل أنا كنضمن ليك أنك غدي عجبك وتستافد منو بزاااف تع الحوايج .

إدن نبداو باش نفسرو داك مشكل تع وقتما كتهز دفتار كيجيك العكز ونعاس بمتال بسيط شحال من مرة كتسمع لشي موسيقى و كتفكرك بشي حد و لا بشي احاسيس سوا زوينين سوا خيبين أشنو علاقة هادشي بالموضوع ديالنا ؟
نتا رابط العيا و الملل و الالم بالحفاضة والافلام و الفيسبوك باللمتعة .
ومنين كتجي تشد الدفتار باش تبدا عقلك بكل بساطة كيسيفط ليك المشاعر ديال العيا و الالم و العڭز و الضيق و كيقولك نوض دير دكشي لي كتستمتع بيه.
هادشي كامل فالعقل ديالك و تقدر تحكم فيه ايلا عرفتي كفاش تربط بين الحفاضة و المتعة
واخا كفاش ؟

• موضوع مقترح 
• ملخص مفهوم الغير من مجزوءة الوضع البشري بالدارجة المغربية

فينما غتبغي تحفض اتريح معا راسك و غتقول شوف دابا غاتحفض و غتعدب و غتعاني ولكن راه الصيف غنكون مرتاح من جيهت النقطة و غنبقا نلعب و نتفرج و ندخل للفايسبوك حتى يطلعو ليا فراسي و لكن الى محفضتش غيدوز الصيف خايب و كئيب و الدار غيحقدو عليا و غا نقدر نعاود الباك ولا منجيبش نقطة مزيانة فالجيهاوي ولا الموحد
المهم ربط الماكس ديال المشاعر السلبية معا عدم الحفاضة و الماكس ديال المشاعر الايجابية معا الحفاضة دير هاد التجربة
و شوف رسك الصيف عندك دايز كئيب لامحفضتيش دابا و فرحان الى حفضتي خدم المخيلة ديالك
اذن شنو غتختار ؟
الم قصير متعة طويلة
متعة قصيرة الم طويل

مزيان ملي ملي وصتلتي حتال هنا حيت شرح مزال مسلاش أكيد دبا كلتي تا راه هدشي غير هضرة صعيب طبقو كيبقا غير كلام نظري مزيان أسي ولكن أجي دبا دخل معيا للتطبقي لغدي نعطيق فيه أحسن 5 طرق عملية باش أنك تنضم وقتك وتفهم أي درس بطبعة الحال ملي غدي دير داكشي لي قلت ليك في لول عاد دوز طبق هدا 5 طرق على أي مادة ولا درس إن شاء الله غدي تحفضو بكل سهولة.

إستراتيجية الدراسة : الخطوة الأولى 

• ننصحك بقراءة هده القصص
• قصتي مع الباك مجموعة من التلاميذ حققوا النجاح بمعدلات ضعيفة في الجهوي

إدن اول حاجة ممكن ديرها هيا تكون عندك رغبة كبيرة ف النجاح يعني جاي باش نقرا باش يكون عندي نيفو و نكون عارف بزااف ديال الحوايج مكيهمشش علاش و شنو الهدف المهم هو تكون عندي رغبة شديدة باش نجح بإدن الله و كيف كنقول ديما ميمكنش دير شي حاجة و تعطي فيها و معندكش رغبة

إستراتيجية الدراسة : الخطوة الثانية 

تاني حاجة انا جاي نقرا غانركز ف القسم و نحاول نفهم مافهمتشش نهز صبعي و نسول ماشي عيب نسول لعيب هو مفاهمش شي حاجة و داير فيها راني واعر و فاهم، و فاش نخرج لساحة نضحك و نلعب ديك ساعة و فدار ديما نخصص وقت للمراجع
واخا نراجع غا درس ف نهار .

إستراتيجية الدراسة : الخطوة الثالثة 

تالت حاجة كل واحد و فين كيرتاح و هو كيراجع او كيحفض صراحة انا عزيز عليا نحفض وي كون السكات باش نركز مهم كل واحد و فين كيحفض و كفاش ديما نختار الطريقة لي كنرتاح فيها و لي صحيحة، و منعصبش راسي مع شي حاجة ديما نفهم و نحول داك النص ل درجة التعبير ديالي و نحفظو هاد الطريقة هيا باش تحفظ بسهولة و راها زوينة والله جربوها الا عجباتكم .

إستراتيجية الدراسة : الخطوة الرابعة

 رابع حاجة نختار دفتر ملخصات ل دروس لي جاتك صعيبة و طويلة و مافهمتيهاش .

• مقالة مقترحة 
• أفضل شرح لدرس Gerunds and infinitive بالدارجة

إستراتيجية الدراسة : الخطوة الخامسة

خامس حاجة ناكل مزيان و نطهلا فراسي و خصوصا الحوايج لي غايفيدوني و يزيدوو من الطاقة ديالي باش نزيد نحفض و نكون مرتاحة و عمرك ماتسنا تال الأخير عاد تحفض حفظ قبل بشحال باش تراجع ف راحتك من بعد و متزربش و يفوت عليك كولشي و تبلوكا و ديما الحاجة ليكتحفض فيها تكون مكتوبة ب زرق حيت ف علم النفس ديما كينصحوو ب ان الكتبة لي كيرتاح فيها العقل و نتا كتحفظ هيا اللون الازرق اكترية .
واول حاجة هيا رضا الله و الواليدين و ديما اي حاجة غاتنفع غيري كيف نفعاتني نقولها، و منساش ندير جدول نكتب فيه كل نهار اش غانراجع و نحفظ و باش الحفاضة تجيك ساهل الدرس لي درتيه من تجي الدار راجعو مزيان او فهم

في الأخير نتمنى التوفيق للجميع وإن كانت لديك أي مشكلة فيمكنك أن تطرحها في التعليق أسفل هدا الموضوع سوف نكون سعداء بتقديم المساعدة لك في أقرب وقت .