طريقة الحفظ بسهولة بالدارجة

أسهل طريقة للحفظ بسرعة

بزااف تع الثلاميذ و الطلاب  مكيعرفوش وكيجهل طريقة الحفظ والدراسة الصحيحة والسليمة ، وهدشي كيترتب عليه مشكل في التحصيل الدراسي ديالهم، ومن أكثر المشاكل لي كيعاني منها أي تلميذ أو تلميذة وحتى طالب وطالبة هو صعوبة الحفظ، بحيث أنهم مكيقدروش إخزنو المعلومات ديال الدروس أو المحاضرات في الذاكرة طويلة المدى لي مختصة بحفظ المعلومات لفترة كبيرة، بطبعة الحال هذا المشكل يؤدّي إلى ضياع وفقدان كل المجهود المبذول خلال حفظ ديك المعلومات ولا الدروس.
لهذا قررت باش نكتب هذا الموضوع اليوم لغدي نقدم ليك فيه معلومات مهمة بزااف غدي تفيداك،باش نعطيك صورة أولية على محتويات هذا المقال نعم أسدي ونعم ألالة ملي تاخود غير شوية من وقتك وتقرا هدشي غدي تستافد بأنك تعرف أشنهيا.

1. أهم القواعد للدراسة الصحيحة والناجحة.
2. ماهي أحسن طرق الحفظ السريع
3. ماهي أنواع الذاكرة وما مهمة كل واحدة عند الإنسان.

إذن تبع معي هذشي دقة دقة باش تفهم مزيان،ونبداو بأول جزء من هذا الموضوع.

أهم القواعد للدراسة الصحيحة والناجحة

خصك تعر بلي الدراسة بحالها بحال كاع المهام لي كدير عندها قواعد خاصة، ولهذا ينبغي أنك تعرفها وتستعمل الطرق الصّحيحة باش ضمن الحصول على أحسن النتائج، وفي مايلي هذه هي نصائح لي إمكن نعطيك للدراسة بشكل سليم وجيد.

الخطوات الأولية للحفظ السريع

أولا : المحافظة على الجسم

الجسد ديالك هو أول خطوات خاصك ترد ليها بالك باش تنجاح في الحياة العمليّة والعلميّة ديالك بجوج والمحافظة كتكون عن طريق تعزيز القدرات الجسد الماديّة وتحميه من كل الأمراض لي تقدر تنقص من قدرة أي عضو فيه، وأيضا خاصك تحاول تحسن من قدرته الاستيعابية وتحمّله، حيث بكل بسلطة راه الذاكرة والدماغ كيستمد القدرة والطاقة ديالهم من الجسد بطبعة الحال هدشي علاش ركزت ليك على هذا النقطة تع المحافظة على الجسم في البداية.

تانيا : الحصول على مقدار كافٍ من النوم

حتى واحد مكيخفا عليه الأهمية تع النوم النعاس أصديقي بحيث خاصك كل يوم 8 ساعات للشخص البالغ والنوم لفترة كافية أيضا غدي ساعدك باش تقدر أنك تركز في القسم ولا في أي مكان خلال النهار ودير كل مهام بطريقة صحيحة وجيدة.

تاليثا : الإستعانة ببعض المشروبات لتقوية الجسم

في هدا المرحلة إمكن ليك أيضا الاستعانة ببعض المشروبات لي تقدر أنها تساعدك على زيادة وتحسين الفهم والتركيز بحال:
- كالزنجبيل
- القهوة
وخاصك تجنّب تاكل ولا تشرب المشروبات الغازية لأنه كما كنعرفو بلي كتسبب ضرراً وتلفاً لخلايا ديال الدماغ الشيء لغدي أدي لإضعاف الذاكرة.

رابعا : تنظيم أوقات الدراسة

عليك أن تكون أكتر جيدية في طريقتك في التعامل مع هذا المسألة حيت بكل سهولة لبقتي غير غادي بشكل عشوائي غي تصبح واحد نهار تلقا عنداك واحد كمية كبيرة بزااف تع الدروس لي خاص تحفظرها ولا تراكمات عليك غدي تعيق عملية الدراسة عنداك وغدي أيضا تحطك في واحد نوع تع الضغط لي جعلك متحملش كاع أنك تحفضها ولا طل عليها.
وبهذا الخصوص كندكر أيضا أهمية تحفيز النفس على الدراسة، حيت كيلعب العامل النفسي واحد دور كبيراً بزاااف في النجاح.
في هذا الجانب كنصحك أنك ملي تسالي من قراءة هذه الموضوع تشوف أيضا واحد موضوع خصيصا لهذا المسألة تع تحفيز النفس على الدراسة ولي هو بهذا العنوان أحسن طريقة لتحفيز النفس لدراسة لتحقيق النجاح، إمكن ليك تكليكي عليه وغدي طلع ليك ديراكت، دبا ندزو للجزء الثاني.

ماهي أحسن طرق الحفظ السريع

باش أنك تقدر تحفظ أي معلومة متنساهاش غدي خصك أنك تولي تستعمل في الحفظ الذاكرة الطويلة المدى، أكيد كسول دبا أشنهيا هذا الذاكرة وأشنو الأنواع الأخرى لي كينة هذشي غدي تعرفو في الجزء الأخير من هذا المقال فابلاما تمشي تقلب عليه في بلاصة خرى.
ولكن لي مهم دبا هو كفاش تقدر تحفظ بسرعة وتحط المعلومات لي حفظتها في الذاكرة الأبدية، ومن أجل تحقيق هذا نقدم ليك مجموعة من النصائح لي خاصك تبعها في طريقة الحفظ.

1- قراءة النص أو الدرس وفهمه

قبل متبدا تهز داك دفتار وتنزل عليه تبدا تحفظ في داكشي كما أزل حول بعدا تقراه شي 3 مرات على الأقل في كل قراءة حول أنك تفهم أشنو لي داوي عليه خود عليه صورة أولية على المحتوى ديالو كما درت ليك أنا في البداية ديال هذا الموضوع عطيتك وحد نظرة على شنو كين باش تكون عرف أش غدي تلقا باش تلقا راحتك في إستعاب كل المعلومات لي قدمت ليك.

2 - الذاكرة تتأثر بمقدار أهميّة الشيء للشخص

واش سبق ليك سولي راسك علاش كتعقل على شي شخص معين وفي عوض مكتفكر شي واحد خور حتى كيصدمك بداك سؤال مالك أصحبي معقلتيش عليا، ولا علاش كتدكر شي حاجة وحجة خرى كتنسها بحال متلا كتدكر الكود تع الفيس بوك وكتنسى الكود تع جمايل وغيرها من الأمور هذه فقط أمثلة، الجواب بسيط عقلتي على شخص معين عوض شخص أخر حيت داك شهص الأول عندو عنداك أهمية كبر من الشخص الثاني، وأما علاش نستي الكود ديال جمايل وكتفكر ديال فيس حيث الفيسبوك عندك أهم من جمايل.
إذن ياصدقي وياصديقتي خصك تعرف وتعامل مع الدرس أيضا بهذا الطريقة أي معلومة بغتي تحفظها خاصك تعلم الدماغ ديالك بلي هذا المعلومة راه مهمة بزااف باش حطها ليك في الذاكرة الطويلة المدى وتبقا لأكبر مدة ممكنة لي تحتجها فيها.

3 - تقسيم مادة الحفظ إلى أجزاء

إذان كما قلت خاصك تقدم المعلومة ولا الدرس لبغتي تحفظ على أنها شيء مهم وأحسن أسلوب باش تقدر دير هدشي هي أنك تقسم فقرات تع النص ولا الدرس إلى أجزاء صغيرة بحيث لا تتعدى عشرة أسطور كحد أقصى، بعدما متقاد هذا الفقرة تبقا تعودها وتحول تخفظها وتقولها بلا متشوف فيها هكذا غي عرف الدماغ بلي رها معلومة مهمة خاصو حتافظ بها ومينسهاش.

4 - ريط المعلومات مع الأحداث

من الطرق أيضا لي كتساعد باش تحفظ بسهول وأيضا تدكر هي أنك ملي كتكون كتحفظ حول تربط المعلومات لي كينة في النص مع أحداث من حياتك لتسهيل استرجاعها،وتذكّرها أيضا بسهولة.

أخير نصيحة ممكن نعطها ليك هي حول دير مراجعة مع أحد الأشخاص للتأكّد أنك قدرتي تحفظ مزيان.
في حال عدم القدرة على الحفظ بشكل نهائي،خاصك تشوف شي طبيب حيت إقدر تكون المشكلة بداء عضوي عنداك.

ماهي أنواع الذاكرة وما مهمة كل واحدة عند الإنسان

بالنسبة لأنواع الذاكرة كين ثلاثة أنواع للذاكرة كل وحدة كتختالف على حسب القدرة تع التخزين ومدة التخزين.

الذاكرة طويلة المدى : 

هذا نوع هو الأحسن والأفضل ولي كنحولو نستعمله في عملية الحفظ للمعلومات المهمة، حيث قادرة على تخزين المعلومات واسترجاعها بكفاءة عالية.

الذاكرة قصيرة المدى : 

هذ أقل كفاءةً من الداكرة الأولة لي هي الداكرة طويلة المدى حيث هذا النوع الثاني عندو قدرة بمقدار قليل في خدمتها .

الذاكرة القصيرة جداً :

 هذه هي أقل أنواع الذاكرة والأضعف بنتهم، حيث مكتقدرش تخزين المعلومات وإسترجاعها إلا لأجزاء القليلة لي مرات من الثانية على قراءتها أو حفظها.

• شاهد أيضا 

• تجربتي مع البكالوريا ب4,84 في الجهوي

• نموذج تحليل و مناقشة نص فلسفي وفق منهجية تحليل النص